Marathi Vangmay Mandal

मराठी भाषा व वाड्.मय मंडळ अहवाल (२०१७-१८)

मराठी भाषाप्रेमी विद्यार्थांसाठी मराठीतून उपक्रम सादर करण्यासाठी हे वाङ्मय मंडळ एक उत्तम व्यासपीठ आहे. यंदाच्या वाङ्मय मंडळाच्या उपक्रमांची सुरुवात १५ सप्टेंबर २०१७ रोजी घेतलेल्या निबंध स्पर्धेत झाली. विद्यार्थ्यांना आजचे समाजभान टिपणारे पुढील विषय निबंध स्पर्धेसाठी दिले होते.

१) नात्यांमधला दुरावा आणि जिव्हाळा, २) मोबाईल : तुझ्यात जीव रंगला, ३) पर्यावरणजागृती आणि त्यासाठीचे आचरण, ४) युवा विद्यार्थ्यांची जीवनशैली, ५) मनात जपलेली आशा.

या स्पर्धेसाठी कनिष्ठ व वरिष्ठ महाविद्यालयातील विद्यार्थांनी सहभाग नोंदवला.

९/१२/१७ रोजी नेरळ, ममदापूर येथील मातोश्री सुमती चिंतामणी टिपणीस महाविद्यालयात आयोजित राज्यस्तरीय वक्तृत्व स्पर्धेत एस.वाय.बी.ए. चे दोन विद्यार्थी १) वैभव पांचाळ, २) पूर्वा गोरुले सहभागी झाले होते.

१४/१२/१७ रोजी पर्णिका संस्थेच्या राज्यस्तरीय युवा महोत्सवात मेहंदी, वक्तृत्व, कथाकथन, शब्दांपलीकडे, कल्पनाविस्तार, गायन अशा विविध स्पर्धांमध्ये विद्यार्थी सहभागी झाले होते.

६ फेब्रुवारी २०१८ रोजी मंडळातर्फे ज्ञानपीठविजेत्या विंदा करंदीकर यांच्या जन्मशताब्दी सोहळ्यानिमित्त त्यांच्या कवितांवर आधारित काव्यवाचन स्पर्धा घेण्यात आली. या स्पर्धेमध्ये वाणिज्य, विज्ञान (self finance), कला शाखेचे विद्यार्थी सहभागी झाले होते. त्यांनी विंदाच्या सामाजिक कविता, बालकविता, प्रेमकविता, व्यक्तिचित्रे, आत्मचित्रे, विरूपिका अशा विविध प्रयोगक्षम कविता अर्थप्रवाही वाचण्याचा प्रयत्न केला. हा काव्यवाचन संस्कार त्यांचे अनुभवविश्व समृद्ध करू शकला.

२० फेब्रुवारी २०१८ रोजी के. जे. सोमैया महाविद्यालयातील वरिष्ठ प्राध्यापिका डॉ. वीणा सानेकर यांनी "आकाश विंदाच्या शब्दाचे " हा प्रयोगक्षम कार्यक्रम सादर केला. या दीड तासाच्या कार्यक्रमात विंदाचे ललितलेखन, कविता या साहित्याच्या आधारे एक कलात्मक आविष्कार विद्यार्थ्यांसमोर ठेवला. ज्यामुळे साहित्यिक विंदाचा सर्वांगीण परिचय यानिमित्ताने विद्यार्थ्यांना झाला. विद्यार्थीही हा कार्यक्रम अत्यंत समरस होऊन ऐकत होते. अशाप्रकारे विंदाच्या जन्मशताब्दी सोहळयात या ज्ञानपीठ विजेत्या साहित्यकाराला ही मानाची वंदना दिली गेली. याप्रसंगी महाविद्यालयाचे सचिव मा. श्री. महेश म्हात्रे तसेच व्यवस्थापकीय सल्लागार श्री. व्ही. एस. पाटील हेही आवर्जून उपस्थित होते.

या कार्यक्रमानंतर विजेत्या स्पर्धक विद्यार्थांना प्रमाणपत्र व पुस्तक बक्षिस म्हणून डॉ. वीणा सानेकर यांच्या हस्ते दिले.

मराठी वाड्मय मंडळ

स्थापना २००० - माजी मराठी विभागप्रमुख डॉ केशव मेश्राम सर यांच्या हस्ते मंडळाची स्थापना झाली.

उद्दिष्टे

  • विद्यार्थ्यांमधे भाषेविषयची गोडी वाढण्यासाठी.

  • विद्यार्थ्यामधे लेखन कौशल्य वाढवण्यासाठी.

  • लेखक-कलावंत यांची विद्यार्थ्यांशी प्रत्यक्ष भेट घडवण्यासाठी.

  • वेगवेगळे साहित्य प्रकार समजावून घेण्यासाठी.

सदस्य:

  • रंजिता वीरकर

  • डॉ. अनुपमा गावडे

  • शशिकांत माघाडे

  • प्रथम वर्ष, द्वितीय, तृतीय वर्ष मराठीचे सर्व विद्यार्थी

उपक्रम :

  • लेखन कौशल्य विकसित करण्यासाठी निबंध स्पर्धा, शब्द कोडे सोडवा स्पर्धा आयोजित करणे.

  • वाचन कौशल्य विकसित करण्यासाठी काव्य वाचन, कथा वाचन, नाट्य वाचन स्पर्धा आयोजित करणे.

  • आंतर-महाविद्यालयीन 'महाराष्ट्र दर्शन' नृत्य / नाट्य / काव्य / गायन स्पर्धा आयोजित करणे व त्यामार्फत एका साहित्यप्रकाराचा परिचय करून देणे व महाराष्ट्रीय लोक-नृत्य विद्यार्थ्यांसमोर ठेवणे व त्यांना प्रेरित करणे.

  • यंदा 'महाराष्ट्र दर्शन' तर्फे बोलीभाषा व म्हणींवर आधारित स्पर्धा घेण्यात आली.

  • उद्‌घाटन व बक्षीस समारंभाच्या निमित्त लेखक कवी यांची भेट घडवणे.

  • विद्यार्थ्यांना भविष्यकालीन आखनीसाठी मार्गदर्शन करणे.

  • दिवाळी सुट्टीत विद्यार्थ्यांना वाचनालयातून पुस्तके वाचण्यासाठी देऊन त्यावर त्यांचा अभिप्राय मिळवणे.

  • बक्षीस रूपात पुस्तके देणे.

प्रा. रंजिता वीरकर                    

मराठी विभाग